၂၀၁၈ ခုနှစ် ဇန်နဝါရီ ၁၇ ရက်

 မန္တလေးတိုင်းဒေသကြီး စဥ့်ကူးမြို့နယ်အတွင်းရှိ ကျေးရွာ (၈)ရွာ လျှပ်စစ်မီးရရှိရေးအတွက် တိုင်းဒေသကြီးအစိုးရအဖွဲ့၏ ဒေသဖွံ့ဖြိုးရေးရန်ပုံငွေဖြင့် သုံးထပ်စက်ဝိုင်းကုမ္ပဏီ Tri Circle မှ ၂၀၁၆-၂၀၁၇ ဘဏ္ဍာရေးနှစ်မှစ၍ လျှပ်စစ်မီးရရှိရေးလုပ်ငန်းများ ဆောင်ရွက်လျက်ရှိရာ ACFR 95 11KV လိုင်း (၇)မိုင်၊ ကျေးရွာ (၈)ရွာတွင် 11/0.4KVA ထရန်စဖော်မာ(၈)လုံး တပ်ဆင်ခြင်းလုပ်ငန်းများ ဆောင်ရွက်ပြီးစီးနေပြီဖြစ်သည်။

 ယခုအခါ စဥ့်ကူးမြို့နယ်၊ ညောင်ပင်ပုကျေးရွာတွင် မီးရရှိရေးအတွက် ရွှေလှေကျေးရွာမှ အရှည် ၂ မိုင်ရှိ 11KV ဓာတ်အားလိုင်းဖြင့် ချိတ်ဆက် ဆောင်ရွက်သွားရန် စီစဉ်လျက်ရှိပြီး ရွာအတွင်း ကွန်ကရစ် ဓာတ်တိုင်(၇၀)စိုက်ထူခြင်း၊ ကျေးရွာအတွင်း လမ်းပိုင်းများအလိုက် အရှည်ပေ ၂၃၀၀၀ ကျော်ရှိ ၄၀၀ ဗို့အား လျှပ်စစ်မီးလိုင်းကြိုးများ တပ်ဆင်ခြင်းလုပ်ငန်းများ ဆောင်ရွက်ပြီးစီးနေပြီး အိမ်ထောင်စုတိုင်း မီးလင်းနိုင်ရေးအတွက် အိမ်ထောင်စု ၂၄၀ မှ အိမ်သုံးမီတာများ လျှောက်ထားပြီးဖြစ်ရာ ယခု ဘဏ္ဍာနှစ်ကုန်တွင် လမ်းမီးများ ရရှိတော့မည်ဖြစ်ပြီး မကြာမီကာလတွင့် ရွာလုံးကျွတ် မီးလင်း တော့မည်ဖြစ်သည်။