၂၀၁၉ ခုနှစ် ဇန်နဝါရီလ ၁ရက်

  မန္တလာဒီဂရီကောလိပ်၏ ကျောင်းသားများသမဂ္ဂဖွဲ့စည်းခြင်း(၅)နှစ်ပြည့် နှစ်ပတ်လည်နေ့အခမ်းအနားကို ဇန်နဝါရီ ၁၄ ရက် နံနက် ၉ နာရီက အဆိုပါ ကောလိပ်တွင် ကျင်းပရာ ဟောပြောပွဲများ၊ ဘောလုံးပြိုင်ပွဲနှင့် ဈေးရောင်းပွဲတော်များဖြင့် စည်ကားခဲ့သည်။

 အခမ်းအနားသို့ မန္တလေးတိုင်းဒေသကြီးလွှတ်တော် ဒုတိယဥက္ကဋ္ဌ၊ တိုင်းဒေသကြီးလျှပ်စစ်၊ စွမ်းအင်နှင့်ဆောက်လုပ်ရေးဝန်ကြီး၊ သယံဇာတနှင့် သဘာဝ ပတ်ဝန်းကျင်ထိန်းသိမ်းရေးဝန်ကြီးနှင့် တာဝန်ရှိသူများ၊ မန္တလာဒီဂရီကောလိပ်ကျောင်းအုပ်ဆရာကြီးဒေါက်တာ ဝင်းဆွေနှင့် ပါမောက္ခ(ဌာနမှူး)များ၊ ဆရာ၊ ဆရာမများ၊ စီမံ၊ ဘဏ္ဍာ၊ အင်/ယာ၊ ကျောင်းသားရေးရာဌာနတို့မှ အရာရှိများ၊ ကျောင်းသား၊ ကျောင်းသူများ တက်ရောက်ကြသည်။

 ရှေးဦးစွာ နှစ်ပတ်လည်နေ့အထိမ်းအမှတ်အဖြစ် ဘာသာရပ်ပေါင်းစုံ အမျိုးသမီး(ဖူဆယ်)ဘောလုံးပြိုင်ပွဲ ဖွင့်ပွဲအခမ်းအနားကို ကျင်းပရာ မန္တလေး တိုင်းဒေသကြီးလွှတ်တော်ဒုတိယဥက္ကဋ္ဌက အဖွင့်အမှာစကားပြောကြားပြီး ပြိုင်ပွဲကို ဖွင့်လှစ်ပေးသည်။

 ထို့နောက် အခမ်းအနား တက်ရောက်လာသူများသည် အထိမ်းအမှတ်ဈေးရောင်းပွဲတော်အား လှည့်လည်ကြည့်ရှုအားပေးခဲ့ကြပြီး Theatre ခန်းမတွင် လျှပ်စစ်၊ စွမ်းအင်နှင့်ဆောက်လုပ်ရေးဝန်ကြီးက အထိမ်းအမှတ်အဖြစ် ဝမ်းမြောက်စကား ပြောကြားခဲ့ခြင်း၊ ကျောင်းအုပ်ကြီးက ဂုဏ်ပြုစကား ပြောကြားခြင်း၊ မန္တလာဒီဂရီကောလိပ် ကျောင်းသားများသမဂ္ဂ ဥက္ကဋ္ဌ မောင်တိုးတိုးအေးဝင်းက ကျောင်းသားများသမဂ္ဂ၏ ဆောင်ရွက်ချက်များနှင့် ကျေးဇူးဥပကာရစကား ပြောကြားခြင်းများကို အစီအစဉ်များအတိုင်း ကျင်းပခဲ့သည်။