၂၀၁၆ခုနှစ်၊ ဧပြီလ ၃၀ရက်

 (၃၀.၄.၂၀၁၆)ရက်နေ့ နံနက် (၉း၃၀)အချိန်ခန့်တွင် မန္တလေးတိုင်းဒေသကြီးအစိုးရအဖွဲ့ဝင် တိုင်းဒေသကြီးဥပဒေချုပ်ဦးအောင်ဝင်းသည် မြင်းခြံခရိုင်အတွင်းရှိ ဥပဒေအရာရှိများ၊ ရုံးဝန်ထမ်းများအား မြင်းခြံခရိုင်ဥပဒေရုံးတွင် တွေ့ဆုံခဲ့ပါသည်။

 ယင်းတွေ့ဆုံပွဲအခမ်းအနားသို့ အမျိုးသားလွှတ်တော်ကိုယ်စားလှယ် ဦးအောင်မျိုးလတ်နှင့်တိုင်းဒေသကြီးလွှတ်တော်ကိုယ်စားလှယ် ဦးချမ်းမြေ့ တို့လည်း တက်ရောက်ခဲ့ကြသည်။

 ယင်းတွေ့ဆုံပွဲတွင် တိုင်းဒေသကြီးဥပဒေချုပ်ဦးအောင်ဝင်းက အမှာစကားပြောကြားရာတွင် ဥပဒေအရာရှိများနှင့် ရုံဝန်ထမ်းများသည် အစိုးရဝန်ထမ်းမဟုတ်ကြောင်း၊ ပြည်သူ့ဝန်ထမ်းဖြစ်သည့်အလျောက် ပြည်သူကိုဗဟိုပြုပြီး ပြည်သူကိုစေတနာထား၍ ကိုယ်ချင်းစာတရား ထားရမည်ဖြစ်ကြောင်း၊ လုပ်ငန်းလုပ်ဆောင်ရာတွင် မှန်မှန်နှင့်မြန်မြန်ဆောင်ရွက်ရန်နှင့် အဂတိတရားကင်းရှင်းစွာ ဆောင်ရွက်ရန်လိုအပ်ကြောင်း၊ ရုံးဝန်ထမ်းများအားလုံး လုပ်ငန်းများဆောင်ရွက်ရာတွင် မိသားစုသဖွယ်စည်းလုံးညီညွတ်စွာဆောင်ရွက်ရန်လိုအပ်ကြောင်း၊ ယခုရက်(၁၀၀) စီမံချက်အနေဖြင့် ယခင်မပြီးပြတ်သေးသောအမှုများကို ၇၀ရာခိုင်နှုန်းပြီးပြတ်အောင်ဆောင်ရွက်ရန်နှင့် နောက်ပိုင်းတွင်လည်း အမြဲတမ်း ရက်(၁၀၀) စီမံချက်အတိုင်း ဆောင်ရွက်သွားကြရန်လိုအပ်ကြောင်း၊ လုပ်ငန်းဆောင်ရွက်ရာတွင် ဆက်စပ်အဖွဲ့အစည်းများနှင့်လည်း အဆင်ပြေစွာ ညှိနှိုင်းဆောင်ရွက်ရန်လိုကြောင်း၊ ပြည်သူများယုံကြည်အားကိုးရသည့် ဥပဒေအရာရှိများနှင့် ဥပဒေရုံးများဖြစ်ရန် လုိအပ်ကြောင်း၊ ခေါင်းဆောင်ကောင်းနှင့် နောက်လိုက်ကောင်းဖြစ်ရန်လည်းလိုအပ်ကြောင်း စသည်ဖြင့် အမှာစကားပြောကြားခဲ့သည်။

 အမျိုးသားလွှတ်တော်ကိုယ်စားလှယ် ဦးအောင်မျိုးလတ်နှင့် တိုင်းဒေသကြီးလွှတ်တော်ကိုယ်စားလှယ် ဦးချမ်းမြေ့တို့ကလည်း တွေ့ဆုံပွဲနှင့် စပ်လျဉ်း၍ ဆွေးနွေးပြောကြားခဲ့ပါသည်။

 ထို့နောက် ခရိုင်ဥပဒေအရာရှိနှင့် မြို့နယ်ဥပဒေအရာရှိတို့မှ မိမိတို့ရုံး၏အခက်အခဲများ တင်ပြခဲ့ရာ တိုင်းဒေသကြီးဥပဒေချုပ်က ပြန်လည် ရှင်းလင်းပေးခဲ့ပြီး နံနက် (၁၀း၃၀)အချိန်တွင်အခမ်းအနားပြီးဆုံးခဲ့သည်။