၂၀၁၆ခုနှစ်၊ မေလ ၅ ရက်

 ၂၀၁၆ခုနှစ်၊ မေလ ၅ ရက် ညနေ၆နာရီခန့်အချိန်တွင် မန္တလေးတိုင်းဒေသကြီးဥပဒေချုပ်မှ ပြင်ဦးလွင်ခရိုင် ဥပဒေအရာရှိများအားပြင်ဦးလွင်မြို့နယ် ဥပဒေရုံးတွင်တွေ့ဆုံခဲ့သည်။

 တွေ့ဆုံပွဲအခမ်းအနားတွင် ပြင်ဦးလွင်ခရိုင်ဥပဒေအရာရှိနှင့်ပြင်ဦးလွင်ခရိုင်အတွင်းရှိ ဥပဒေရုံးများမှ ဥပဒေအရာရှိများ၊ ရုံးဝန်ထမ်းများ တက်ရောက် ခဲ့ကြသည်။

 ယင်းတွေ့ဆုံပွဲ၌ တိုင်းဒေသကြီးဥပဒေချုပ် ဦးအောင်ဝင်းက အမှာစကားပြောကြားရာတွင် ဝန်ထမ်းများဖြစ်သည့်အတွက် ပြည်သူကိုအကျိုးပြုသော ပြည်သူကိုဗဟိုပြုသောလုပ်ငန်းလုပ်ကိုင်ရန်လိုအပ်ကြောင်း၊ ဝန်ထမ်းအားလုံးလာဘ်ပေး၊ လာဘ်ယူကင်းရှင်းရန်နှင့် သန့်ရှင်းတဲ့ဥပဒေအရာရှိများ၊ သန့်ရှင်းတဲ့ဥပဒေရုံးများ ဖြစ်ရန်လိုအပ်ကြောင်း၊ ဥပဒေအရာရှိ၏လုပ်ဆောင်ချက်သည် ဥပဒေနှင့်အညီဖြစ်ဖို့လိုအပ်ကြောင်း ဥပဒေအကြံပေးရာတွင်လည်း ပေါ့ပေါ့လွယ်လွယ် ဥပဒေအကြံပြုချက်မရေးကြရန်နှင့် တကယ်ညှိစွန်းသောပုဒ်မဖြင့်သာအကြံပြုရန်၊ ပြည်သူ့အပေါ်ကိုယ်ချင်းစာစိတ်ထားရှိရန်နှင့် ပြည်သူကိုသနားညှာတာရန်လိုအပ်ကြောင်း၊ လုပ်ဆောင်ချက်များမှာ ပွင့်လင်းမြင်သာမှုရှိရန်၊ ဘာလုပ်လုပ်ပြည်သူသိရန်နှင့် မှန်မှန်ကန်ကန်အဂတိ ကင်းကင်းလုပ်ဆောင်ရန်လိုအပ်ကြောင်း၊ အမှုလိုက်ပါဆောင်ရွက်ရာတွင်ပြည်သူတွေသနားညှာတာရန်၊ အမှုများတွင် အယူခံ၊ ပြင်ဆင်တက် ရောက်ကြရာတွင် ကိုယ်ပိုင်အမြင်၊ ကိုယ်ပိုင်ဆောင်ရွက်ချက်များနှင့်ဆောင်ရွက်ကြရန်နှင့် မိမိ၏လုပ်ဆောင်ချက်မှာ လုပ်ထုံးလုပ်နည်း နှင့်အညီဖြစ်ရန် မှာကြားကာ အားလုံးချစ်ချစ်ခင်ခင်တိုင်တိုင်ပင်ပင်နေကြရန် စသည်ဖြင့်မှာကြားပြောကြားခဲ့သည်။

 ပြင်ဦးလွင်ခရိုင်ဥပဒေအရာရှိနှင့် ပြင်ဦးလွင်ခရိုင်အတွင်းရှိဥပဒေအရာရှိများမှလည်း ရုံးလုပ်ငန်းနှင့်ဝန်ထမ်းရေးရာကိစ္စများ၊ အမှုလိုက်ပါဆောင်ရွက်မှု အခြေအနေများ ၊ အခက်အခဲများအားရှင်းလင်းတင်ပြကြသည်။

 ထို့နောက် ရှင်းလင်းတင်ပြမှုများအပေါ် တိုင်းဒေသကြီးဥပဒေချုပ်က ပြန်လည်ရှင်းလင်းပေးခဲ့ပြီးည(၇)ခွဲ အချိန်တွင် အခမ်းအနားပြီးဆုံးခဲ့သည်။