၂၀၁၈ ခုနှစ်၊ ဖေဖော်ဝါရီလ ၁၇ ရက်

  ပြည်ထောင်စုတရားလွှတ်တော်ချုပ်နှင့် တိုင်းဒေသကြီး၊ ပြည်နယ်တရားလွှတ်တော် တရားသူကြီးချုပ်များ၊ တိုင်းဒေသကြီး ၊ ပြည်နယ်တရားရေး ဦးစီးမှူးများနှင့် ခရိုင်တရားသူကြီးများ၏ (၁၄)ကြိမ်မြောက် လုပ်ငန်းညှိနှိုင်းအစည်းအဝေးတွင် ပြည်ထောင်စုတရားသူကြီးချုပ်၏ လမ်းညွှန်မှာကြားချက်များကို ထပ်ဆင့်ဆွေးနွေးပွဲ အခမ်းအနားကို ယနေ့နံနက် ၉ နာရီက မန္တလေးတိုင်းဒေသကြီးတရား လွှတ်တော်အစည်းအဝေးခန်းမ၌ ကျင်းပသည်။

  အဆိုပါအခမ်းအနားတွင် မန္တလေးတိုင်းဒေသကြီးတရားလွှတ်တေ်ာ တရားသူကြီးချုပ်ဦးစိုးသိန်းက တရားလွှတ်တော်တရားသူကြီးများ၊ တိုင်းဒေသကြီးအတွင်းရှိ ခရိုင်တရားရုံးများ၊ မြို့နယ်တရားရုံးများမှ တရားသူကြီးများနှင့် တရားရေးအရာရှိများအား ပြည်ထောင်စုတရားသူကြီးချုပ်၏ လမ်းညွှန်မှာကြားချက်များကို အကျယ်တဝင့်ရှင်းလင်းမှာကြားသည်။

 ထို့နောက် တိုင်းဒေသကြီးလွှတ်တော် တရားသူကြီးချုပ်က အမှုများကို ဥပဒေနှင့်အညီ မြန်မြန်နှင့် မှန်ကန်မျှတစွာ စစ်ဆေးစီရင်ရန်၊ ကြန့်ကြာနေသော မူခင်းများကျဆင်းရေးအတွက် ဦးစားပေးဆောင်ရွက်သွားကြရန်၊ တရားသူကြီးများသည် ကျင့်ဝတ်များကို စောင့်ထိန်းလိုက်နာပြီး လုပ်ငန်းတာဝန်များကို တာဝန်သိသိစေတနာမှန်မှန် တာဝန်ကျေပွန်စွာ ဆောင်ရွက်ရန်၊ တရားစီရင်ရေးဆိုင်ရာ ငါးနှစ်တာ မဟာဗျူဟာစီမံကိန်း (၂၀၁၈-၂၀၂၂) အောင်မြင်စွာ ဆက်လက်အကောင်အထည်ဖော်ဆောင်ရွက်နိုင်ရန်အတွက် ဝိုင်းဝန်းကြိုးပမ်းဆောင်ရွက်သွားကြရန်၊ ပြည်သူအများ ယုံကြည်ကိုးစားရသော တရာစီရင်ရေး စနစ်ဖြစ်ပေါ်လာစေရန်အတွက် စွမ်းစွမ်းတမံကြိုးပမ်းဆောင်ရွက်သွားကြရန် မှာကြားသည်။

 အဆိုပါ ထပ်ဆင့်ရှင်းလင်းပွဲအခမ်းအနားသို့ မန္တလေးတိုင်းဒေသကြီးတရားလွှတ်တော် တရားသူကြီးချုပ် ဦးစိုးသိန်း၊ တရားလွှတ်တော် တရားသူကြီးများ၊ တိုင်းဒေသကြီးတရားရေးဦးစီးမှူးများနှင့် တိုင်းဒေသကြီးအတွင်းရှိ ခရိုင်တရားရုံးများ၊ မြို့နယ်တရားရုံးများမှ တရားသူကြီးများနှင့် တရားရေးအရာရှိများ တက်ရောက်ကြသည်။