၂၀၁၇ ခုနှစ်၊ ဧပြီလ ၂ ရက်

 မြန်မာနိုင်ငံ စက်ဘီးစီးအဖွဲ့ချုပ်နှင့် မန္တလေးတိုင်းဒေသကြီး စက်ဘီးဆပ်ကော်မတီတို့ ကြီးမှူး၍ ရန်ကင်းတောင်တက် ဖိတ်ခေါ်စက်ဘီးစီးပြိုင်ပွဲကို ဧပြီ ၂ ရက် နံနက် ၆ နာရီက မန္တလေးမြို့ ၇၈ လမ်းရှိ အိုစတိုးရှေ့ တာလွှတ်စုရပ်နေရာ၌ ကျင်းပသည်။ ပြိုင်ပွဲသို့ မန္တလေးမြို့ပေါ်၊ စစ်ကိုင်း၊ ပြင်ဦးလွင်၊ ရန်ကုန်တို့မှ ပြိုင်ပွဲဝင် သက်တမ်းအလိုက် စက်ဘီးစီးအားကစားဝါသနာရှင်များ ၂၅၀ ကျော်တို့က သတ်မှတ်နေရာတွင် နေရာယူကြပြီး မန္တလေးတိုင်းဒေသကြီး ရှမ်းတိုင်းရင်းသားလူမျိုးရေးရာဝန်ကြီး ဦးစိုင်းကျော်ဇောက အချက်ပြသေနတ် ပစ်ဖောက်၍ တာလွှတ်ပေးလိုက်သည်နှင့် တစ်ပြိုင်နက် စက်ဘီးစီးအားကစားသမားတို့သည် စုရပ်မှ ၇၈ လမ်းအတိုင်း ၂၆ လမ်း၊ လမ်း ၈၀၊ ၁၂ လမ်းမှ ဂေါက်ကွင်းလမ်း ထိုမှ ရွှေကျင်ကွေ့ မတ္တရာကားလမ်းမှ အရှေ့ဘက် ရန်ကင်းတောင်ပေါ် နဂါးရုံဘုရားအနီး သတ်မှတ်နေရာအထိ စီးနင်းယှဉ်ပြိုင်ပန်းဝင်ခဲ့ကြရာ အလှူရှင်များက SPORT-X အားဖြည့်အချိုရည်များ ပေးဝေခဲ့ကြသည်။

 ပြိုင်ပွဲအပြီး ဆုများချီးမြှင့်ရာ အသက် ၂၅ နှစ်အောက် ပြိုင်ပွဲတွင် ပထမ စောအယ်ခူ၊ ဒုတိယ အစိုင်း၊ တတိယ ဟန်ထွန်းဦး၊ စတုတ္ထ စည်သူ၊ အသက် (၂၅-၃၅)နှစ်ပြိုင်ပွဲတွင် ပထမ ကျော်ကျော်၊ ဒုတိယ ကျော်မင်းထွန်း၊ တတိယ ဇော်ကြီး၊ စတုတ္ထ Mr.Will Grivesom၊ ပဉ္စမ ရဲမြင့်ထွန်း၊ အသက် (၃၅-၄၅)နှစ်ပြိုင်ပွဲတွင် ပထမ နေမျိုးအောင်၊ ဒုတိယ သက်လွင်ဦး၊ တတိယ မင်းဇော်ဦး၊ အသက် (၄၅-၆၀)နှစ်ပြိုင်ပွဲတွင် ပထမ ခင်မောင်ချို၊ ဒုတိယ ကိုစိုင်း၊ တတိယ ကိုမင်းကြည်၊ စတုတ္ထ ကိုမျိုးနှင့် ပဉ္စမ Mr.STEVE ၊ အသက် (၆၀)နှစ်အထက် ပြိုင်ပွဲတွင် ပထမ ဦးရဲကြည်၊ ဒုတိယ လှရွှေ၊ တတိယ ဦးထွန်းနိုင်၊ စတုတ္ထ ဦးကြည်ဝင်းတို့နှင့် ကျန်ဆုရရှိသူများအား ပထမဆုငွေကျပ် တစ်သိန်းခွဲ၊ ဒုတိယဆုငွေကျပ် တစ်သိန်း၊ တတိယဆု ငွေကျပ် ခုနစ်သောင်း၊ စတုတ္ထဆု ငွေကျပ် ငါးသောင်း၊ ပဉ္စမဆု ငွေကျပ် သုံးသောင်း၊ ဆဋ္ဌမမှ ဒဿမအထိ ငွေကျပ် တစ်သောင်းစီအား ဦးအောင်ဝင်းထွန်း(မြန်မာနိုင်ငံ စက်ဘီးအဖွဲ့ချုပ် ဒုတိယဥက္ကဋ္ဌ)၊ ဦးစိုးလွင်ဦး (MBA ဥက္ကဋ္ဌ)၊ ဦးဖိုးစွံ၊ ဦးမျိုးသန်းနှင့် ပံ့ပိုးသူ အလှူရှင် SPORT-X အချိုရည်မှ တာဝန်ရှိသူများက အသီးသီး ဆုများ ချီးမြှင့်ခဲ့ကြသည်။